金滿庭京川滬菜館

尋晚有人生日,于是去左附近既金滿庭(我住係馬鞍山)食飯囉.



呢間野算係全馬鞍山中心最好食架喇.



我地五個人,又唔係大食,所以只係叫左五樣野嗟.
先o黎既係手撕雞,好嫩,o的汁又香又唔太辣,點起o黎好好味.




第二樣係小籠包.最正,係我地既至愛!



剛上檯時熱辣辣,包身唔stick住張紙,所以個包唔容易穿,o的湯唔容易流出o黎,原汁原味.



跟住既係桂花魚塊,呢個得意o的囉,因為落左桂花糖,所以有o的甜同有o的花香,特別o的囉.不過o的魚好嫩.



然後係千層豆腐.豆腐超嫩(因為係百福利),灑上瑤柱蒸熱.中間放韭菜花同雜菰煮成既汁.濃味加淡味加埋o岩o岩好.



最後係金鋼箍,即係冬瓜圈蒸熟加蝦同火腿煮成既汁,濃淡適宜.



o的野好好味,但係人就太多喇,等位等鬼咁耐囉!值唔值就自己決定啦.